മണിപ്പൂര് മണിപ്പൂര്
നീയെത്ര ധന്യ
ശര്മ്മിളയെ വഹിച്ച
നിന്നുദരമെത്ര ധന്യം
അടിച്ചമര്ത്തപ്പെട്ട ജനതയുടെ
സ്വാതന്ത്ര്യം, ദുരിത നിവാരണം
തന് ദൌത്യമെന്നു് നീയുറക്കെ പ്രഖ്യാപിക്കെ
ദേവാംഗനെ ! ഇന്ക്വിലാബിന് ഈരടികളാല്
നിനക്കു് ഞാന് മംഗളം പാടുന്നു
നീയൊരു നാണം കുണുങ്ങി, ഏകാന്തിനി
ഇഷ്ടവിഷയങ്ങളാല് നിന്നെ പ്രകോപിപ്പിച്ചാല്
നീയൊരു ഫയര്ബ്രാന്ഡ്
നവംബര് 1, 2000 മാലം ഗ്രാമ പ്രാന്തത്തില്
പത്തു് നിഷ്കളങ്ക യാത്രികര്, ബസ് സ്റ്റാന്റില്
അസം റൈഫിള്സ് പട്ടാളക്കാരാല്
നിഷ്ഠൂരം കൊലചെയ്യപ്പെടവെ,
AFSPA പിന്വലിക്കാന്
അരംഭിച്ചതല്ലോ നിന് സഹന സമരം
44 ന് പടിവാതിലില് എത്തിനില്ക്കെ
16 സംവത്സരം ഇതിഹാസ പട്ടിണി സമരം
നീ സമതയ്ക്കായ് നിര്ഭയയായി, നിര്ല്ലജ്ജയായ്,
വൈരമന്യേ നീ നയിക്കെ
ഭാവുകങ്ങള് നേരുന്നു
ഞങ്ങള് നിന് പുതിയ സംഘത്തിനു്
പാര്ടിക്കു്
ചൊല്ലട്ടെ വിജയമന്ത്രങ്ങള്
നിക്കായ്, നിന് ജനതതിക്കായ്
നിന് പ്രണയിതാവു് ദേശ്മണ്ട്,
ഒരു ബ്രിട്ടീഷ് പൌരന്
ഏതു് പ്രണയവും പോല്
വര്ണ്ണങ്ങള് വാരി വിതറി നിന്
ജീവിതത്തിലും
അവനുടെ ആത്മ സാമീപ്യം
നിനക്കു് സ്ഥൈര്യവും ഊര്ജ്ജവും
അവന് തന് വാസസ്ഥലമാം അയര്ലന്ഡിലേയ്ക്കു്
മണിപ്പൂര് ജനതയ്ക്കായ് നീ പോകാതിരിക്കെ
അവന് നിന് അരികിലേയ്ക്കു് വന്നില്ലെങ്കിലും
ഏകാന്തത തന് വിധിയെന്നു് ധരിക്കുമെന്നും
എന്നത്തേയും പോല് അവനുടെ ആത്മ സാന്നിദ്ധ്യം
മതിയെന്നും സംതൃപ്തയെന്നും നീ ചൊല്കെ
നിന്നുടെ നിശ്ചയദാര്ഢ്യത്തിനു് മുന്പില്
ഗദ്ഗദസമേതം, ശിരസ്സുനമിപ്പൂ ഞങ്ങള്
കാര്മ്മല് മലപോലെ
നിന്റെ ശിരസ്സ് ഉയര്ന്നു നില്കുന്നു
പ്രിയേ, തിര്സാനഗരം പോല്
നീ മനോഹരി
നിന്റെ തലമുടി ഗിലയാദ്
മലഞ്ചെരുവുകളിലേയ്ക്കിറങ്ങി വരുന്ന
കോലാട്ടിന് പറ്റം പോല്
കന്യകമാര് നിന്നെക്കണ്ടു്
ഭാഗ്യവതിയെന്നു് വിളിക്കട്ടെ
ഉഷസ്സുപോലെ ശോഭിക്കുന്നവളും
സൂര്യനേപ്പോലെ തേജസ്വിനിയും
കൊടിക്കൂറകളേന്തുന്ന സൈന്യത്തേപ്പോലെ
ഭയദയും ആയ ഇവള് ആരാണു് ?
(കടപ്പാടു് :(1) പാട്ടുകളുടെ പാട്ടു്, ഉത്തമഗീതം, വി. ബൈബിള് (2) The Hindu, Sunday Magazine dated 04-12-2016 : Article titled 'No Fear, no shame, no hate' by Pradip Phanjoubam)
