ഹേ പുരുഷാ !
എന്നു നീ നിന് സഖിയെ, കൂട്ടിണയെ തിരിച്ചറിയും ?
എന്നു് നീയവളെ ചേര്ത്തു നിര്ത്തും ?
തലയണയാവണം ഇടതുകരം
ആലിഗനം ചെയ്യുവാന് വലതുകരം
ഇവിടെയോ കരങ്ങള് മര്ദ്ദനോപാധികള്
മസ്തിഷ്ക പ്രക്ഷാളനം വേറെ.
നാരിമാര്തന് ചുടുകണ്ണീര് കണങ്ങള്
ഒരു സരിത്തായ് പ്രവഹിച്ചാല്
വസുന്ധരയ്ക്കു് അതു് നാശമാം
നയനങ്ങളിലെ രോഷം
ഒരനലനായ് പടര്ന്നാല്
ധരിത്രിക്കതു ഭസ്മാന്തം !
ഉണ്ണീ,
തകര്ത്തെറിയൂ, ഈ പിതൃദായ
സമ്പ്രദായത്തിന് അവശേഷിപ്പുകളെ
ഒരു പുതിയ ആകാശവും
പുതിയ ഭൂമിയും ഉയിര്കൊള്ളട്ടെ
എന് സ്വനം നിനക്കാത്മഗീതമാകുന്ന
ഒരു നവലോകക്രമം ഉയിര്കൊള്ളട്ടെ !
No comments:
Post a Comment