ഞാനൊരു നാരി
ഞാനൊരു തനയ
ഞാനൊരംബാലിക
ഞാനൊരു ഖഗം
കൃത്യമാം ഇടവേളകളില്
അതേ അസുരന്
എന്റെ തൂവലുകള്
പറക്കാനാവാത്ത വിധം
വെട്ടിയൊരുക്കുന്നു
അറിയുമോ നീയെന്നെ
നിന്നെപ്പോല് തന്നെ
വിണ്ണിന് നിലയില്ലാക്കയങ്ങളില്
നീന്തിനീരാടാന് കൊതിച്ചവള് ഞാന്
ആകാശപ്പരപ്പില് നിന്നോടു് ചേര്ന്നു്
മുങ്ങാംകുഴിയിടുന്നതു് കിനാകണ്ടവള്
ജീവിതം എനിക്കിന്നൊരു പോരാട്ടം
ഈ ജീവിതമെനിക്കു് സമരം
ഉണ്ണീ
ഈ വേദന അത്യുഗ്രം, അതികഠിനം
ഈ അംബതന് ഖിന്നയാം
കാര്കൊണ്ട വദനം പാര്ത്തീടുകിലും
നീ വാളെടുക്കാത്തതെന്തു് ?
ഭസ്മമാക്കുക നീയീ അസുരനെ
പിതൃദായ സമ്പ്രദായത്തിന് അവശേഷിപ്പുകളെ
നീയും ഞാനും തോളോടുതോള് ചേര്ന്നു് കര്മ്മനിരതരാകുന്ന
ആ നല്ല നാള് ഉദിക്കട്ടെ
ആ നല്ല നാളെക്കായി സ്വപ്നം കണ്ടു കൊണ്ട് ഞാനും നിന്നോടൊപ്പം ഉണ്ട്
ReplyDelete