തീവ്രദുഖത്തിന് നെരിപ്പോടില് നിന്നുയരുമീ
അമര്ഷത്തിന് തോന്ന്യാക്ഷരങ്ങള്
അരുമ മകനേ നിനക്കായ് . . .
ഓമനേ !
നിന് ഒളിപരത്തും കിനാക്കള്
ചുഴറ്റിയെറിഞ്ഞതു് ഓഖിയോ
നിര്ഗ്ഗുണ പരബ്രഹ്മങ്ങളാം
ഞങ്ങള് മുതിര്ന്നവര് തന്നെയോ . . .
'ഓഖി' എന്നു് നാമകരണം
ബംഗ്ലാഭാഷയില് 'കണ്ണെ'ന്നതിനര്ത്ഥം
പതിവില്ലാതെ തീവ്രമാകുമീ
ചുഴലിക്കാറ്റിനു് ഹേതു
ശാസ്ത്രം ആഗോളതാപനമെന്നു്
അന്തരീക്ഷ നീരാവി വര്ദ്ധിക്കുന്നതെന്നു്
സുവിധം പ്രഖ്യാപിക്കേ
തിരിച്ചറിയുന്നു കുഞ്ഞേ ഞങ്ങള്
ലാഭം ആര്ത്തിയായ് മാറും
മുതലാളിത്ത വ്യവസ്ഥ
അന്തരീക്ഷ താപനം
കൂട്ടുകയേ ഉള്ളൂ എന്നു്
സ്കൂള് പഠനം പാതിവഴിയില്
അവസാനിപ്പിച്ചു്, നീയാദ്യമായ്
അന്നത്തിനായ് കടലമ്മയെ പുല്കിയതും
അവള് നിന്നെ 'ഓഖി'യായ്
കണ്ണായ് കൈക്കൊണ്ടതും
പട്ടിണിക്കുത്തരവാദി
മുതലാളിത്ത വ്യവസ്ഥയെന്നു്
അതേ, ലാഭാധിഷ്ഠിത വ്യവസ്ഥയെന്നു്
തിരിച്ചറിയുന്നു ഞങ്ങള്
പങ്കുവെയ്ക്കലിന്റെ, പരസ്പര സ്നേഹത്തിന്റെ
ഒരു നവലോക ക്രമത്തിനായ്
അണിചേരുക, നാമണിചേരുക
മാറ്റത്തിന് പടഹധ്വനി മുഴക്കേണ്ടവര്
നിസ്സംഗതതന് തേരില് മയങ്ങവെ
ഈ കൊടും അപരാധികളേ പ്രതി
കുഞ്ഞേ, മാപ്പു്
No comments:
Post a Comment