ഗഗനമേ, നിന് ആഴവും പരപ്പും
ഒരു ഗഹന വിഷയം തന്നെ.
നിന് അന്തേവാസികളോ
മിന്നും താരങ്ങളും
ഗ്രഹങ്ങളും, അങ്ങിനെ നിരവധി പേര്
നിന് താഴ്വാരങ്ങളില്
അവ തീര്ക്കും വിസ്മയങ്ങള്
അത്ഭുതാവഹം തന്നെ.
ഈ അണ്ഡകടാഹത്തിലെ
ഏറ്റവും വലിയ സേന
നിസ്സംശയം പറയട്ടെ
നിന്റേതു തന്നെ
ആഴിതന് തിരമാല പോല്
നിരന്നു് നീങ്ങുമീ മുകില് മാലകളുടെ
കാഴ്ച എത്ര സുഭഗം !
ഭഗവാനായ്, വെളിച്ചമായ് സൂര്യനും
നിലാവായ് നിറവായ് ചന്ദ്രനും
ചിറകനക്കാതെയും, പിന്നെ അനക്കിയും വിഹഗങ്ങളും
തീര്ക്കുമീ നഭസ്സിന് മായക്കാഴ്ച എത്ര മോഹനം !
Subscribe to:
Post Comments (Atom)
No comments:
Post a Comment